Suunto Traverse Gabay sa User - 2.1

Pagna-navigate gamit ang GPS

Suunto Traverse ay gumagamit ng Global Positioning System (GPS) upang matukoy ang kasalukuyan mong lokasyon. Ginagamit ng GPS ang mga satellite na umiikot sa Lupa na may altitude na 20,000 km sa bilis na 4 km/s.

Ang kasamang GPS receiver sa Suunto Traverse ay pinahusay para gamitin sa pulsuhan at tumatanggap ito ng data mula sa napakalawak na anggulo.

Pagkuha ng GPS signal

Suunto Traverse ay awtomatikong naa-activate kapag pumili ka ng sport mode na may GPS functionality, inalam mo ang iyong lokasyon, o nagsimula kang mag-navigate.

Pagtu-troubleshoot: Walang GPS signal

• Para sa pinakamalakas na signal, ituro ang bahaging GPS ng relo nang paitaas. Ang pinakamagandang signal ay nakukuha sa bukas na lugar na nakikita nang malinaw ang kalangitan.
• Ang GPS receiver ay karaniwang gumagana nang mabuti sa loob ng mga tent at iba pang maninipis na tabing. Subalit, ang mga bagay, gusali, masukal na kagubatan o maulap na lagay ng panahon ay nakababawas sa kalidad ng pagtanggap ng GPS signal.
• Ang GPS signal ay hindi tumatagos sa matitigas na istruktura o sa tubig. Kaya, huwag susubukang i-activate ang GPS sa loob ng mga gusali, kuweba o sa ilalim ng tubig.

Mga GPS grid at format ng posisyon

Ang mga grid ay mga guhit sa isang mapa na tumutukoy sa coordinate system na ginamit sa mapa.

Ang format ng posisyon ay ang paraan kung paano ipinapakita ang posisyon ng GPS receiver sa relo. Lahat ng format ay tumutukoy sa iisang lokasyon, magkakaiba lang ang paraan ng pagpapakita nito. Mapapalitan mo ang format ng posisyon sa mga setting ng relo sa menu ng mga opsyon sa ilalim ng GENERAL (PANGKALAHATAN) » Formats (Mga Format) » Position format (Format ng posisyon).

Mapipili mo ang format mula sa mga sumusunod na grid:

• ang latitude/longitude ay ang pinakakaraniwang ginagamit na grid at mayroon itong tatlong magkakaibang format:
  • WGS84 Hd.d°
  • WGS84 Hd°m.m'
  • WGS84 Hd°m's.s
• Ang UTM (Universal Transverse Mercator) ay nagpapakita ng posisyong may dalawang dimensyon na nakapahalang.
• Ang MGRS (Military Grid Reference System) ay karugtong ng UTM at nagtataglay ng isang grid zone designator, 100,000-meter square na pantukoy at isang numerikal na lokasyon.

Suunto Traverse ay sumusuporta din sa mga sumusunod na lokal na grid:

• British (BNG)
• Finnish (ETRS-TM35FIN)
• Finnish (KKJ)
• Irish (IG)
• Swedish (RT90)
• Swiss (CH1903)
• UTM NAD27 Alaska
• UTM NAD27 Conus
• UTM NAD83
• NZTM2000 (New Zealand)

Katumpakan ng GPS at pagtitipid ng baterya

Kapag kino-customize ang mga sport mode, maaari mong tukuyin ang agwat ng pag-aayos ng GPS gamit ang setting ng katumpakan ng GPS sa Suunto Movescount. Kung mas maikli ang agwat, mas tumpak ang pagre-record.

Sa pamamagitan ng pagdaragdag ng agwat at pagpapababa ng katumpakan, maaari mong patagalin ang baterya.

Ang mga opsyon sa katumpakan ng GPS ay:

• Best (Pinakamahusay): ~ 1 seg agwat ng pag-aayos, pinakamalakas kumonsumo ng baterya
• Good (Mahusay): ~ 5 seg agwat ng pag-aayos, hindi masyadong malakas kumonsumo ng baterya
• OK (OK): ~ 60 seg pag-aayos ng agwat, mabagal komunsumo ng baterya
• Off (Naka-off): walang pag-aayos ng GPS

Maaari mong isaayos ang paunang tinukoy na katumpakan ng GPS ng sport mode kung kinakailangan lang habang nagre-record at habang nagna-navigate. Halimbawa, kung napansin mong kaunti na lang ang natitira mong baterya, maaari mong isaayos ang setting upang patagalin ang baterya.

Isaayos ang katumpakan ng GPS sa start menu sa ilalim ng NAVIGATION (PAG-NAVIGATE) » Settings (Mga Setting) » GPS accuracy (Katumpakan ng GPS).

GPS at GLONASS

Suunto Traverse gumagamit ng Global Navigation Satellite System (GNSS) upang tukuyin ang iyong lokasyon. Ang GNSS ay maaaring gumamit ng mga signal mula sa mga satellite na GPS at GLONASS.

Bilang default, naghahanap lang ang iyong relo ng mga signal ng GPS. Sa ilang sitwasyon at lokasyon sa buong mundo, kapag gumamit ng mga signal ng GLONASS, maaaring humusay ang katumpakan ng lokasyon. Gayunpaman, tandaan na mas malakas kumonsumo ng baterya ang paggamit ng GLONASS kumpara sa kung GPS lang ang ginagamit.

Maaari mong i-activate o i-deactivate ang GLONASS anumang oras, kahit na habang nagre-record ng isang aktibidad.

Upang i-activate o i-deactivate ang GLONASS:

1. Pindutin nang matagal ang NEXT upang makapasok sa menu ng mga opsyon.
2. Mag-scroll patungo sa NAVIGATION (PAG-NAVIGATE) sa pamamagitan ng START at pumasok sa pamamagitan ng NEXT.
3. Mag-scroll patungo sa Settings (Mga Setting) sa pamamagitan ng LIGHT at pumili sa pamamagitan ng NEXT.
4. Mag-scroll patungo sa GNSS (GNSS) sa pamamagitan ng START at pumili sa pamamagitan ng NEXT.
5. Piliin ang GPS & GLONASS (GPS at GLONASS) upang i-activate ang GLONASS. Kung aktibo na, piliin ang GPS (GPS) upang i-deactivate ang GLONASS.
6. Pindutin nang matagal ang NEXT upang lumabas.