Suunto Vertical Gabay sa User

Mga hakbang at mga calorie

Sa watch face, mag-swipe pataas o pindutin ang ibabang button hanggang sa makita mo ang kabuuang bilang ng iyong mga hakbang at natantyang mga calorie para sa araw na iyon.

Sinusubaybayan ng iyong relo ang pangkalahatang antas ng iyong aktibidad sa buong araw. Isa itong mahalagang salik kung plano mo lamang maging fit at malusog o kung nagsasanay ka para sa isang paparating na kompetisyon.

Mabuti ang maging aktibo, ngunit kapag nagsasanay nang matindi, kailangan mong magkaroon ng mga wastong araw ng pahinga na may mababang aktibidad.

Ang counter ng aktibidad ay awtomatikong nagre-reset sa hatinggabi araw-araw. Sa katapusan ng linggo (Linggo), ang relo ay nagbibigay ng buod ng iyong aktibidad na nagpapakita ng iyong average para sa linggo at mga araw-araw na kabuuan.

Binibilang ng iyong relo ang mga hakbang gamit ang isang accelerometer. Ang kabuuang bilang ng hakbang ay naiipon 24/7 at habang nagre-record din ng mga sesyon ng pagsasanay at iba pang aktibidad. Gayunpaman, sa ilang partikular na sports, tulad ng paglangoy at pagbibisikleta, ang mga hakbang ay hindi mabibilang.

Ang value sa pinakataas sa widget ay ang kabuuang bilang ng hakbang para sa araw na iyon at ang value sa pinakababa ay ang natantyang dami ng aktibong calorie na na-burn mo na sa araw na iyon. Sa ibaba nito, makikita mo ang kabuuang dami ng na-burn na calorie. Kabilang sa kabuuan ang mga aktibong calorie at ang iyong Basal Metabolic Rate o BMR (tingnan sa ibaba).

Ang kalahating bilog sa widget ay nagpapahiwatig ng kung gaano ka kalapit sa iyong mga layunin sa pang araw-araw na aktibidad. Maaaring i-adjust ang mga target na ito ayon sa mga personal mong kagustuhan (tingnan sa ibaba).

Maaari mo ring tingnan ang iyong mga hakbang at na-burn na mga calorie sa nakalipas na pitong araw sa pamamagitan ng pag-swipe pataas sa widget.

Mga layunin sa aktibidad

Maaari mong i-adjust ang iyong mga pang-araw-araw na layunin para sa mga hakbang at mga calorie sa pamamagitan ng pag-swipe pataas sa widget. Puwede ring i-adjust ang iyong mga pang-araw-araw na layunin sa Settings » Activity.

Kapag itinatakda ang iyong layunin para sa bilang ng mga hakbang, tukuyin mo ang kabuuang bilang ng mga hakbang para sa araw na iyon.

Nakabatay ang kabuuang dami ng natunaw mong calorie bawat araw sa dalawang salik: ang iyong Basal Metabolic Rate (BMR) at ang iyong pisikal na aktibidad.

Ang iyong BMR ay ang dami ng calorie na natutunaw ng iyong katawan habang nagpapahinga. Ito ang mga calorie na kailangan mo upang mapanatiling mainit-init ang iyong katawan at magawa ang mga basic na function tulad ng pagkisap ng iyong mga mata o pagpintig ng iyong puso. Ang bilang na ito ay batay sa iyong personal na profile, kabilang ang mga salik tulad ng edad at kasarian.

Kapag magtatakda ka ng layunin mo para sa calorie, tukuyin mo kung gaano karaming calorie ang nais mong matunaw bilang karagdagan sa iyong BMR. Ang mga ito ang tinatawag na mga aktibong calorie mo. Ang bilog sa palibot ng display ng aktibidad ay umuusad ayon sa kung gaano karaming aktibong calorie ang natunaw mo sa buong araw kumpara sa iyong nilalayon.