Suunto Race Gabay sa User

Snorkeling at mermaiding

Maaari mong gamitin ang iyong Suunto Race para sa snorkeling at mermaid diving. Ang dalawang aktibidad na ito ay mga normal na sport mode at napipili gaya ng anumang ibang sport mode, tingnan ang Pagre-record ng ehersisyo.

Kayang sukatin ng Suunto Race ang hanggang sa 10 m na lalim. Gayunpaman, waterproof ito hanggang sa lalim na 100 m ayon sa ISO 22810.

May apat na display ng ehersisyo ang mga sport mode na ito na nagpo-pokus sa data na may kaugnayan sa pag-dive. Ang apat na display ng ehersisyo ay ang:

Surface

Nabigasyon

Sesyon ng pag-dive

Underwater

Ang Surface view ang default na view para sa Snorkeling at Mermaiding. Habang nagre-record ng ehersisyo, maaari mong i-browse ang iba't ibang view sa pamamagitan ng pagpindot sa gitnang button.

Ang Suunto Race ay awtomatikong nagpapalipat-lipat sa surface at dive state. Kung ikaw ay nasa higit sa 1 m (3.2 ft) sa ilalim ng surface, naa-activate ang underwater na view.

Kapag ginagamit ang Snorkeling mode, dumedepende ang relo sa GPS para sukatin ang distansya. Dahil hindi umaabot sa ilalim ng tubig ang GPS signal, kailangang iahon ang relo sa tubig paminsan-minsan para makakuha ng GPS fix.

Mahirap ang mga kondisyong ito para sa GPS, kaya mahalagang mayroon kang malakas na GPS signal bago ka lumusong sa tubig. Para matiyak na malakas ang iyong GPS, dapat mong:

• I-sync ang iyong relo sa Suunto app bago ka mag-snorkeling para ma-optimize ang iyong GPS sa pamamagitan ng pinakabagong satellite orbit data.

• Pagkapili mo ng Snorkeling mode, maghintay ng kahit tatlong minuto sa lupa bago simulan ang iyong aktibidad. Bibigyan nito ng panahon ang GPS na magtakda ng magandang posisyon.

  TIP:

  Habang nag-i-snorkeling, inirerekomenda naming ilagay mo ang iyong mga kamay sa ibabang bahagi ng iyong likod para sa maayos na paggalaw ng tubig at pinakamainam na pagsukat ng distansya.